निर्वाचन २०८२: प्राप्त भोट र सिट संख्या तुलनामा पछिल्ला ३ निर्वाचनको सबैभन्दा असमान परिणाम

२०८२ को प्रत्यक्ष निर्वाचनमा रास्वपाले ४४.५ प्रतिशत मत पाउँदा ७५.८ प्रतिशत सिट जित्यो — मत र सिटबीच ३१ प्रतिशत बिन्दुको फरक। नेपाली काँग्रेसले १९.२ प्रतिशत मतका लागि १०.९ प्रतिशत सिट मात्र पायो भने एमालेले १५.५ प्रतिशत मत पाउँदा जम्मा ५.५ प्रतिशत सिटमा सीमित भयो। यसले देखाउँछ प्रत्यक्ष निर्वाचन प्रणालीले दिने एउटा असमान नतिजा। र यो असमानता २०७४ र २०७९ को तुलनामा सबैभन्दा धेरै हो।