កិច្ចខិតខំប្រឹងប្រែងជាច្រើន ត្រូវបានធ្វើឡើងសំដៅប្រមែប្រមូលទិន្នន័យអំពីការផ្តល់ជំនួយសម្រាប់គម្រោងកាន់កាប់ដីធ្លី និងការចេញប័ណ្ណកម្មសិទ្ធិ។ យ៉ាងនេះក្តី មិនទាន់មានទិន្នន័យពេញលេញទាំងស្រុង លើបញ្ហានេះ នៅឡើយទេ។ ក្រុមប្រឹក្សាអភិវឌ្ឍន៍កម្ពុជា រាយការណ៍ពីការចូលរួមផ្តល់មូលនិធិរបស់ធនាគារពិភពលោក និងអង្គការជីអាយហ្សិត (GIZ) ក្នុងចំនួនច្រើនជាងអ្វី ដែលធនាគារពិភពលោកបានរាយការណ៍ ហើយបើទោះជាបានរាប់បញ្ចូលកម្មវិធីផែនទីអភិបាលកិច្ចដីធ្លីរបស់ម្ចាស់ជំនួយ ទៅក្នុងទិន្នន័យរបស់ខ្លួន ក៏នៅតែមិនបង្ហាញពីទំហំជំនួយខាងហិរញ្ញវត្ថុសរុប ទៅឱ្យគម្រោងដែរ។